Hvaða lausn er ríkisstjórnin með???

Þetta er að verða frekar slæmt ástand eða er réttara sagt löngu orðið slæmt ástand í þjóðfélaginu hér.  Hvað ætlar ríkisstjórnin að láta þetta ganga svona mikið lengur?

Mér persónilega er hætt að lítast á þetta, forsætisráðherra segir fólki að keyra minna, eyða minna og fl.  Hvað ætlar hann að gera til að koma til móts við fólk sem er að missa allt út úr höndunum.  Gerir hann sér ekki grein fyrir því að ástandið bitnar einna helst verst á því fólki sem minnst hefur, fjölskyldufólk, láglaunafólk sem þarf á yfirdráttum kannski að halda til að ná endum saman.  Það eru nefnilega ekki allir að lifa um efni fram.  Það er fólk sem rétt hefur fyrir húsaleigu og ekki meira.

Ástandið í þjóðfélaginu fer versnandi og það að segja okkur að í kringum 1969 eða hvaða ár sem hann nefndi hafi ástandið verið mun verra hjálpar fólkinu í dag.  Það þarf að koma með lausn, lausn sem dugir lengur en í eina viku.

Bensínið hefur aldrei verið dýrarar, krónan sjaldan eða aldrei lægri og evran aldrei hærri, vextir hækka, verðbólga eykst, matvæli hækka, húsnæði og leiga hækka.  Sú hækkun sem átti sér stað á vinnumarkaðinum í vor hefur verið étin upp.

Ég trúi ekki öðru en að fólk sé búið að fá nóg, það verður að gera eitthvað og það strax.

Gengi krónunnar aldrei lægra

Spilling enn og aftur?????

það er ekki sjaldan sem það er maðkur i mysunni hjá meirihluta borgarstjórnar Reykjavíkur.  Núna er það nýjasta að ganga fram hjá lægsta tilboði í áfangaheimili.  SÁÁ sem hefur starfað lengi í þessum geira og hefur mjög mikla og góða þekkingu á þessum málum buðu fjórðungi lægra í þetta verkefni en þeir sem fengu verkið.  Skyldi það vera vegna þess að Ásta Möller þingmaður sjálfstæðisflokksins er viðriðin  Heilsuverndarstöðina/Alhjúkrun???  spyr sá sem ekki veit, en eitt er víst að mér þykir þetta afar einkennileg vinnubrögð og greinilega að hagsmunapólitík ræður þarna ríkjum en ekki fagmennska.  Slíkt á ekki að líðast.

Gagnrýnir að ekki var samið við SÁÁ um áfangaheimili

Lives goes on

Það er búið að vera mjög mikið að gera síðstu daga.  það er enn að mælast skjálftar og sumir yfir 3 á ricther, vona að þessu fari að linna, farið að fara frekar mikið á sálina á manni og fólkinu hér á svæðinu.  Ég er búin að vera að  reyna að ganga frá hér eftir skjálftann og koma húsinu í horf.  Sleppi því að hengja upp þær myndir sem ekki fóru í spað, að svo stöddu

Annars fór ég í bæinn í gær sem er ekki frásögu færandi nema að ég sá þessa lika flottu skó Þeir hreinlega kölluðu á mig úr hillunni, þeir eru grænir með svörtu munstri og 10 cm háum hæl, mín verður sko svaka skvís í þeim  Fór á tvo góða fundi í gærkvöldi, samkomu í dag þannig að ég er nokkuð vel andlega nærð 

Ég dreif í því að taka tjaldvagninn út í dag, ákvað að viðra hann og gera hann tilbúinn fyrir fyrstu útilegu ársins næstu helgi, þá mun hópur sem starfaði saman fyrsta ár Sunnulækjarskóla hittast í útilegu, það verður voða gaman.  Vonandi er þetta á stað sem ég þarf ekki að bakka mikið eða helst ekki neitt, þarf stæði þar sem ég get keyrt í hring með vagninn svo ég þurfi ekki að handsnúa honum eins og í fyrra sælla minninga  Er einhver sem getur tekið mig í námskeið í að bakka með kerru eða tjaldvagn

Annars þarf ég að fara að koma mér í að mála þakið á húsinu og klára að mála þakkantinn sem ég byrjaði á í fyrra sumar, er ekki einhver sem finnst rosa gaman að mála þak? þá er það velkomið að minni hálfu að gefa það verk af hendi

jæja best að fara að koma sér í háttinn

Guð gefi ykkur góða nótt

 

Enn skelfur jörðin

Það ætlar að taka jörðina langan tíma að hrista þetta úr sér í þessari lotu.  Fólk er farið að verða frekar kvekkt á þessum aðstæðum.  Stórir bílar mega ekki keyra framhjá húsum eða fólki án þess að margir verða brugðið við og halda að byrjað sé að skjálfa á ný.

Það er greinilegt samt að mörg kraftaverk hafa átt sér stað, maður heyrir margar sögur af fólki sem nýlega var komið úr aðstæðum sem hefði leitt til alvarlegs slyss hefði það verið á þeim stað þegar stóri skjálftinn reið yfir.  það er greinilegt að máttur Guðs er mikill og vernd hans yfir fólkinu til staðar. 

vonandi fer þessu að linna

Guð blessi ykkur

Snarpur kippur á Hellisheiði

Vel að öllu staðið

Ég verð að segja að það er frábært hversu vel hefur verið að öllu staðið þessa daga eftir skjálftann á fimmtudaginn.  Bæði bæjaryfirvöld, hjálparsveitir, lögreglan, sjálfboðaliðar  og allir sem á einhvern hátt hafa lagt fram krafta sína í að aðstoða og hjálpa til.   Allt utanumhald, skipulag hefur verið til stórkostlegrar fyrirmyndar.

Fjölmenni á íbúafundi

Mjög gott framtak VG

Eftir 17 daga rennur út frestur íslenskra stjórnvalda til að bregðast við áliti mannréttindanefndar Sameinuðu þjóðanna, þar sem íslenska fiskveiðistjórnarkerfið er gagnrýnt fyrir að brjóta gegn jafnræðis- og sanngirniskröfum alþjóðasamningsins um borgaraleg og stjórnmálaleg réttindi.

 Það er því afar mikilvægt að brugðist verði við og það á réttan hátt.  Í áraraðir hefur verið brotið á réttindum margra og því kominn tími til að leiðrétta þessi brot.  Því eru tillögur Vinstri grænna afar tímabærar og góðar og vonandi að tillaga VG nái í gegn.  Þessar tillögur eru ekki ólíkar þeim hugmyndum sem Samfylkingin hefur haft á sinni stefnuskrá og því ætti ekki að vera erfitt fyrir hana að samþykkja hana.  Hins vegar getur orðið erfitt fyrir Sjálfstæðisflokkinn að samþykkja þetta og því spurning um hversu lengi þessi stjórn á að hanga saman, þar sem ósamstaða er í fleiri málum s.s. hrefnuveiðum.

Á heimasíðu Vg má finna ferkari upplýsingar um þessa tillögu:        

 http://www.vg.is/frettir/eldri-frettir/nr/3389

.

VG vilja breyta lögum um stjórn fiskveiða

15 ára stúdentsafmæli...

Vá hvað tíminn líður hratt, finnst eins og ég sé nýbúin að setja upp hvíta kollinn.  Í dag eru hins vegar orðin 15 ár frá því að  sú athöfn var

Annars var ég að koma af öðru frábæru reunion, við vorum að hittast bakkaskvísurnar sem erum  fæddar á árunum 1971-1974, rosa stuð, mikið hlegið og rifjað upp.  Takk fyrir frábært kvöld stelpur

Vor í Árborg

Í dag er síðasti dagur hátíðarinnar Vor í Ároborg.  Þessi frábæra menningar- og listahátíð hefur staðið yfir frá því 8. maí síðastliðinn.  Hátðíðin hefur öll verið með glæsibrag og hafa margir lagt hönd á plóg til að allt gangi upp. Margir viðburðir hafa verið í gangi og hafa bæði ungir sem aldnir geta fundið eitthvað við sitt hæfi.   Bæjarstjórn og lista- og menningarnefnd eiga hrós skilið fyrir þetta frábæra framtak í ár.

Sunnudagur.....

Þetta er bara búin að vera hin ágætasta helgi.  Krakkarnir fóru að vísu í burtu i gær í Borgarfjörð í brúðkaup hjá pabba sínum og Brynhildi þannig að mín var bara ein i kotinu.  Það hefur aldrei verið vandamál hjá mér að nota tímann vel og má segja að hver einasta mínúta frá því að ég vaknaði og fram eftir nóttu,.....

Annars var í gær síðasta jesúkonusamkoma vetrarins, frábær samvera með frábærum konum,  gott að hittast alltaf.  Sðíðan fór ég að lesa með trúnaðarkonu minni í bókinni góðu og fór svo á aðalfund í kirkjunni, þannig að það má segja að ég hafi verið afar andleg í gær  Um kvöldið borðuðum við Sigrún saman og skelltum okkur svo á fund, nokkuð góður fundur bara þannig að mín var virkilega andlega nærð.   Þannig að seinna um kvöldið ákváðum við að skoða mannlífið og úrvalið (fyrir mig sko)og kíktum í einn latte á krúsinni. Nei segi svona, fínt að hafa lífið eins og það er í dag, einfalt og gott  Það var trúbador á krúsinni sem var voða skemmtilegt nema hvað hávaðinn var þvílíkur, furðulegt á svona litlum stað að fólk þurfi að hrópa og kalla til að geta talað saman, flott að hafa tónlist en má hún ekki vera aðeins lægra stillt eða er ég að eldast 

Í morgun hóf ég svo daginn á fundi, var að leiða 3. sporið.  Frábær fundur og svo mögnuð samkoma á eftir.  Eftir hana skellti mín sér bara í Blómaval, því nú var komð að því að taka upp grænu fingurna. Ég fæ samt hnút í magann við að hugsa um illgrésið sem ég þarf að hreinsa og garðinn minn sem er of stór fyrir mig að skipuleggja, ég með minn flókna haus og skipulagsflælni oft á tíðum Það er kannski bara málið að fá einn garðyrkjumann til landsins, svona eins og þær eru með í aðþrengdum eiginkonum Þá gæti ég setið á pallinnum, með óáfengan koketeil í glasi, í sólstól og slakað á  Eftir að hafa ígrundað þetta í smá stund inni í Blómaval, sá ég að það gengi líklega ekki upp, ég yrði líklega að gera þetta sjálf  Hófst þá leitin að sterkasta illgrésieitri sem til var í búðinni (samt einhverju umhverfisvænu)  Þótt ég elski náttúruna þá er það svo að ég á rosa erfitt með að einbeita mér að því að hreinsa beð og reita arfa  Ég fann þarna eitthvað og dreif mig þá heim.   Fór reyndar fyrst í afmæli hjá síungu systur minni henni Addý, þáði þar frábærar veitingar eins og henni einni er lagið gleymdi aðhaldinu um stund (viljandi reyndar) En með garðaátakinu verð ég nú ekki lengi að brenna þessu

Þá var komið að því, nú skyldi halda út i garð, arfaeitri búin að vopni réðist ég á beðin og stráði yfir og nú er bara að vona að beðin verði fín og sælleg í sumar

Indæl helgi að baki og frábær vika framundan

Guð blessi ykkur

Er maður barn 23 ára???

Þetta er ákaflega furðuleg ákvörðun hjá Akranesbæ að mínu mati.  Vissulega er það mjög gott að sporna eigi við unglingdrykkju og látum.  En að banna 22 ára gömlum einstakling að koma á tjaldsvæðið og tjalda þykir mér afar fráleitt.  Margir eru komnir með sínar eigin fjölskyldur 21 - 23 ára gamlir og að ætla banna ungu fóki t.d barnafólki að fara á þessa hátið er furðulegt.  Ég var t.d sjálf komin með tvö börn þegar ég var 23 ára, ekki hefði ég farið að biðja foreldra mína um að koma með mér í útilegu svo ég fengi að tjalda á tjaldsvæði.  Ekki það að ég vilji ekki ferðast með þeim, heldur er það kannski meira prinsipp mál að fá að fara á þá staði sem maður langar til að fara á.

En gott mál að ætla að koma í veg fyir unglingadrykkju og því sem að henni fylgir, aldurinn samt furðuleg ákvörðun.  Frekar að horfa á aldurinn 15- 20 ára og yngra.

Yngri en 23 ára bannað að tjalda nema í fylgd með fullorðnum