Ég reyndi að bjóða í rauða kjólinn

Sem Sue Ellen var í í þætti númer 43, hann var ekkert smá flottur, bauð of lágt og því boðinu ekki tekið, frekar fúlt

Búningar Dallas boðnir hæstbjóðandi

Ekki jafnréttinu fyrir að fara þarna

en hvers vegna fá ekki karlmenn líka borgað fyrir að geta börn????   það þarf jú líklega tvo til,  ekki nema að norska ríkið ætli þeim að fara í tæknifrjógun.

Ungar konur í Noregi verði verðlaunaðar fyrir að eignast barn

Ætlar hann að vakta þau

Ja há en skyldi hann ætla að fylgjast með að þau noti alltaf getnaðarvarnir eða hvað???

Bannar barneignir

Herða þarf viðurlögin

Ölvunarakstur er einn af algengustu þáttum slysa auk hrað- og ofsaaksturs.  Mörg banaslys hafa átt sér stað í umferðinni þar sem um ölvunarakstur var um að ræða.  Ég held að það þurfi að herða viðurlög enn frekar við ölvunarakstri auk þess sem að herða þarf umferðareftirlit og forvarnir.  Því miður er það oft þannig að ef fólk veit að aukinni löggæslu á vegum úti, þá frekar sleppir það því að keyra undir áhrifum þar sem það er að hugsa um sektina eða punktinn sem það kæmi til með að fá væri það tekið. 

17 ölvaðir undir stýri

sól og sól :)

Já það má nú segja að veðrið leiki við okkur þessa dagana ég er búin að liggja í sólinni fyrri partinn í dag en var svo að vinna í Merkisteini núna í kvöld, enda fínt að komast úr sólinni.

Ég er nú líka bara svona að koma mér fyrir á ný eftir langa ferðaviku og ég er enn að jafna mig á þessu sjokki sem ég varð fyrir á leið minni um hálendið okkar ekki nóg með það að hafa þurft að bera það að sjá þessi ósköp heldur var ferðafélagi minn nú á öndverðum meiði en ég og sá ekkert athugavert við þessi spjöll en svona er lífið, það geta ekki allir verið sammála, þótt það væri vissulega betra að allir væru sammála okkur í VG þá væri lífið nú betra

Það er nú bara nokkuð gaman að vera að afgreiða í sjoppu á ný, þetta er hálfgert svona kommbakk hjá mér, enda rétt 20 ár frá því að ég vann þarna (úff 20 ár, mig hlýtur að misminna ) Það er rosa gaman að hitta allt það fólk sem kemur í búðina og sjá hversu miklar mannabreytingar hafa átt sér stað hér á bakkanum undanfarin ár.

Jæja best að fara að vökva blessuð blómin, þau eru kannski ekki alveg að fíla þessa sól dag efitir dag

knús Sædís

Mikilvægt að vanda til verka

Skerðing þorskkvótans er reiðarslag fyrir byggðir landsins, vissulega eru þetta þarfar aðgerðir en nú reynir á ríkið að standa að baki sjávarbyggðum landsins.  Mótvægisaðgerðir verða að verða til góðs og gagns og styrkja þarf vel hin smáu byggðarlög. 

Árni M. Mathiesen: „Enginn verðmiði á mótvægisaðgerðum ríkisins"

Þörf umræða

Ég er sammála þessu að það er þörf umræða um þetta efni.  Það er nauðsynlegt að minna stöðugt á mikiklvægi þess að hugsa um verndun jarðar og náttúrunnar.  Stóriðjustefnan sem rutt hefur sér til rúms hér á landi er hættuleg og það verður að stöðva hana.  Ég kom nú upp á Kárarhnjúkum núna í vikunni og bar stífluna og lónið augum.  Þetta er rosaleg mannvirki og mikil spjöll á landinu.  Vonandi hugsa menn sig tvisvar um áður en þeir halda áfram og ráðast á t.d Þjórsá.

Enn er þörf á umræðu um stóriðju

Á ferð um landið

Ja það er heldur betur búið að vera þvælingur á minni síðan á laugardaginn fyrir um viku þá skellti mín sér að Brattholti við Gullfoss og þaðan upp á Hveravelli.  Með viðkomu í Hvítárnesi, Vegurinn orðinn ansi góður þarna og hefði ég alveg verið til í að halda áfram niður í Blöndudalinn hinum meginn við Frábært veður og fallegt útsýni.

Á sunnudeginum voru börnin sótt og við skelltum okkur í bústað í Úthlíð.  Mikill gestagangur var þessa daga og þvílík veðurblíða að það hálfa hefði veirð nóg (eða nei kannski ekki ) Það var legið í pottinum frá morgni til kvölds, grillað og spilað, kíktum á Gullfoss og Geysi og Laugarvatn.  Krakkarnir nutu sín í botn og höfðu bara gaman af.  Alex kom með Jóhannesi, Viðja og Aldís Elva komu með Agnesi Höllu og svo fleiri gestir Reyndar komu nokkrir óboðnir gestir á nóttinni lítil fljúgandi kvikindi smugu inn í herbergi með það eitt að markmiði að gera mér lífið leitt sveimandi húsflugur sem fengu augastað á mér og Herði eyddu nóttunni í það að fljúga á andlitið á okkur, ég veit að ég er ómótstæðileg en ojóbój, fyrr má nú fyrr vera ég reyndi að slá frá mér, fara með hausinn undir sæng, fór hálf partinn undir rúm, en ó nei suðið elti mig og þessi kvikindi voru með segul á mig þannig að það var því miður litið sofið.

Á fimmtudeginum var svo landið lagt undir sig.  Haldið var á leið austur á ný Keyrt að Vik fengið sér að borða í víkurskála og þaðan haldið  í Skaftafell og gengið þar um i klukkutíma eða svo að jöklinum, veðrið auðvitað frábært og útsýnið og náttúrufegurðin stórkostleg. Næst var áð á Jökulsárlóni, ætluðum í siglingu en það kom svoldið mikil rigning þannig að það var látið bíða betri tíma, gengum lítilsháttar um og fegurðin engri lík  næst var stefnan tekin á Nesjar við Höfn og þar var farið á Hótel Eddu og um kvöldið var farið á þennan líka flotta stað á Höfn í Hornafirði.  Mín fékk sér humar og hann var þetta litla góður að mig dreymdi hann næstu nætur og ég er viss um að eg á eftir að fara á þennan stað aftur við tækifæri, þetta er nýr staður sem var opnaður í júni og er í gamla kaupfélags héraðsbúahúsinu. 

 Næsta morgunn var haldið á leið sem lá austur, farið á Djúpavog og keyrt svo yfir Öxi og þaðan inn í Hallormstaðaskóg og þaðan lá leiðin að sjálfum KÁRAHNJÚKAVIRKJUN  nú skyldi haldið í pílagrímsför. ÉG var að hugsa um að setja að stað mótmælin en fékk engan með mér í það enda eini umhverfissinninn þarna Komum að smjaðurslegri byggingu í Végerði þar sem Landsvirkjun var búin að koma upp heilaþvottastöð fyrir ferðamenn, þar fegnum við leiðsögn um þessar hræðilegu framkvæmdir, horfðum á myndband og sáum söguna, oh my god..... konan sem vann við að heilaþvo okkur hlýtur að vera ansi vel launuð.  Næst var stefnan tekin upp að stíflunni.  Landsvirkjun auðvitað búin að leggja þennan lika flotta vel malbikaða veg upp allt þetta stóra háa fjall, á meðan bíða fjölfarnir vegir þess að verða tvöfaldaðri  Þegar upp var komið blasti eyðilegging við, vissulega eru þetta stórbrotin mannvirki og mikilfengleg enda ekkert smá landsvæði sem fer undir þetta.  Lónið var orðið ansi stórt og mikið.  Stíflan var ekki opin fyrir umferð þarna þannig að við urðum að fara til baka og fara fjallabaksleið að þessu og fórum því meðfram Jöklu og yfir hjá Brú.  Þar var hægt að sjá sjálf gljúfrin og ekkert smá hvað þau eru falleg en samt hrikaleg.  Það var opið fyrir loku á stíflunni og því smá rennsli í Jöklu.  en sorglegt smá hversu mikið er búið að fara undir vatn þarna á svæðinu.  þegar að lóninu var komið þarna megin sást enn frekar hvað það er gígantískt stórt og meira að segja á eftir að klára tvær stíflur í viðbót þarna, þannig að þetta á eftir að fara eftir enn þá meira vatn þarna.  Vinnubúðirnar þarna voru á lokuðu svæði þannig að maður gat ekki skoðað slæman aðbúnað verkamanna sem þarna vinna.  Það tók mig langan tíma að melta þetta sem ég sá og reyndar er ég ekki búin að því enn þá eftir að hafa verið búið að skoða þarna vel var haldið niður í hérað og á Egilstaði, þar fengum við okkur að borða og síðan skelltum við okkur á Borgarfjörð Eystri, vá  hvað þetta er litill bær og manni leið eins og maður væri kominn svona 60 ár aftur í tímann, við fengum gistingu á gistihúsi þarna sem er eiginlega heimahús breytt í gistihús, mjög skemmtilegt en mjög mjög spes mér leið hálf skringilega þarna innan um alla álfana sem þarna búa enda Álfaborg þarna mjög þekktur staður og ekki get ég sagt að ég hafi sofið mikið um nóttina, fann fyrir álfum og vættum auk þess sem að ég var andvaka af hugsun yfir þessar spillingu sem átt hefur sér stað við kárahnjúka.

Næsti dagur var tekinn árla eins og hinir og nú skyldur firðirnir skoðaðri, við þræddum þá Reyðarfjörð, Neskaupsstað, Fáskrúðsfjörð, Stöðvarfjörð, Breiðdalsvík og Djúpavog.  Á Reyðarfirði var ekki annað hægt en að sjá þetta stóra álver sem þar er búið að reisa þarna í miðju fjalllendinu, þvílík skemmd á fallegu umhverfi....... þetta var frekar mikið sjokk að sjá þetta.  Þegar þessum hring var lokið var haldið á leið til baka og gistum við í suðursveitinni og Hala, bæ Þorbergs Þórðarsonar.  Um kvödið kíktum við að lóninu aftur enda veðrið alveg frábært

Sunnudagurinn var svo tekinn í heimferð, stoppuðum við Svínafellsjökul og gegnum þar upp að honum svo á fleiri stöðum á leiðinni.  Á Klaustri borðuðum við á Syrstarkaffi þennan líka góða mat og mæli ég með þessum stað ef þið eigið leið á Klaustur.   og svo  þegar var komið heim var  lagst í sólbað í þessari líka miklu sól

Búin að vera frábær ferðavika og nú tekur við vinna og vinna hjá þeim bræðrum í Merkisteini til að ná sér í nokkrar Evrur fyrir Portugal og svo er að finna smá tíma til að nota tjaldvagninn aðeins áður en sumri tekur að halla.

Ég læt þetta gott heita að ferðlagi mínu um sinn, skelli kannski inn myndum að þessum hræðilegu skemmdum sem hafa átt sér stað þarna.

knús Sædís umhverfissinni

Sumarfrí og málningarvinna

Well well well þá er ég formlega komin í sumarfrí

Ég byrjaði sumarfríið á að fara með Agnesi Höllu á sundnámskeið sem hún er á, síðan lá leiðin á fund með leikskólafulltrúa til að skipuleggja næsta fund leikskólanefndar.  Þar á eftir skellti ég mér í blómaval og húsasmiðjuna því nú skyldi það gerast

Ég byrjaði á að fara í málningadeildina og bað um græna gluggamálningu, ákvað að leika algjöra ljósku til að fá meiri vorkun og þá kannski biðist afgreiðslumaðurinn bara til að koma og gera þetta fyrir mig ég spurði fáranlegra spurninga eins og hvernig væri best að gera þetta og hvort ég þyrfti að gera eitthvað áður og fl. En hann virtist ekki skilja neitt hintið mitt þannig að ég spurði bara hvort hann fylgdi ekki með til að sjá um að þetta færi rétt á gluggana en hann horfði bara á mig steinhissa og hafði ekki neinn húmor fyrir þessu jæja ég skyldi þá bara gera þetta sjálf.

Næst fór ég í blómaval og náði mér í nokkrar stjúpur og hekkhandvirkarklippur.  Þegar ég kom svo heim lenti ég í miklum vanda.  Á hverju átti ég að byrja? Ég vildi helst gera þetta allt strax,  þ.e koma niður sjtúpunum, klippa trén og mála gluggana en það er hægara sagt en gert þannig að ég ákvað að beita skynseminni sem ég á nú stundum til og sá að þar sem það var þurkur skyldi ég byrja á að mála gluggana og þá tók við annað vandamál, hvaða glugga átti ég að byrja á???? ég vildi helst mála þá alla í einu til að sjá sem mest afköst STRAX ég þurfit því að  beita mig hörku við að mála bara EINN glugga í einu, sagði við sjálfa mig í gríð og erg, bara einn í einu, bara einn í einu, bara einn í einu og viti menn það tókst í lok dags var ég búin með eina umerð á alla gluggana nema eldhúsgluggann, ætla í hann á morgun og byrja svo á seinni umferðinni og þá verð ég líklega enn pirraðari því þá sést minni munur og þá er það miklu erfiðara en ég verð bara að muna, bara einn í einu En á meðan ég var að mála gluggana var ég komin á flug með lagfæringar á þakskegginu, pallinum og miklu fleiru í í leiðinni.

Okkur Agnesi Höllu tókst að ná okkur í smá lit í dag, sólin var svoldið lúmsk og náði hún að brenna pínu á handleggnum, maður áttar sig ekki alltaf á sólinni hér á landi.

Annars var helgin alveg frabær ég og krakkarnir skelltum okkur í útilegu með Sunnulækjarstaffinu í þrastarskóg, ég var svo heppin að fá lánaðan tjaldvagn hjá Olgu og Daða sem reddaði öllu Reyndar lenti ég í smá veseni með að draga hann upp í skóginn, eða réttara sagt að þegar ég kom að beygjunni að þrastarskógi áttaði ég mig ekki að hún væri svona snemma keyrði því smá fram hjá henni.  Þá voru góð ráð dýr Ég kann ekki að bakka með vagn eða kerru aftan í mér ég lagði því úti í kanti og hugsaði minn gang. Hvað átti ég að gera? Ég prófaði að bakka en lenti í sjálfheldu, vagninn beygði í ranga átt Ég fór því út úr bílnum bara og losaði hann af og notaði handaflið við að snúa honum já neyðin kennir naktri konu að spinna En ferðin var frábær og veðrið lék við okkur í alla staði

Í dag er ég búin að vera að reyna að gera eitthvað vitrænt ég er að verða búin að fara tvisvar yfir á nokkrum stöðum.  Merkilegt hvað næsti gluggi virkar alltaf meira spennandi en sá sem maður er að mála í augnablikinu.  Ég þarf að líma mig við gluggann til að fara ekki á næsta þannig að mér verði nú eitthað að verki.

Í fyrra þegar ég byrjaði á undirbúning á þessu öllu saman bar ég eitthvað glært undirlag á gluggna og rak í burtu alla köngulærnar.  En ótrúlegt en satt þá eru þær komnar aftur og þvílíkir vefir.  Ég tók því bara til þess ráðs að mála þær bara með nú hanga fallegir grænir köngulóarvefir niður úr gluggunum mínum Það er bara svoldið smart og á köntunum er ein og ein kramin græn könguló Hugsið ykkur kannski eftir 100 ár þegar húsið mitt verður orðið antik þá mun fók fylkjast hingað til að skoða þessi stökkbreyttu grænu kvikindi, líklega halda að þetta séu steingerfingar  Annars sé ég að Hjálmar nágranni og málarameistari horfir fölur á mig mála gluggana.  Líklega hefur hann aldrei á allri sinni málaraævi klínt eins miklu á gluggana og ég geri bara í einni umferð en mér finnst það svo smart með glugga að maður getur bara skafið af þeim það sem út af fer og þá þarf maður ekkert að setja teyp á þá

Annars var ég í gær orðin svoldið leið á einhæfri vinnu þannig að ég og krakkarnir brugðum okkur í Hveragerði í blómaleiðangur.  Keypti rósir í garðinn og Dalíur sem nota bene eru uppáhaldsblómin mín  Síðan skelltum við okkur í Eden og fengum okkur löðrandi hamborgara

Jæja mér er ekki til setunnar boðið, gluggarnir mála sig ekki sjálfir

knús Sædís

Mismunun í þjóðfélaginu

Þetta er farið að ganga út í algjörar öfgar.  Launamismunur er orðinn þvílíkur að það verður að gera eitthvað til að minnka þetta bil.  Á meðan t.d kennarar, leikskólakennarar, fólk (þá oftast konur) í umönnunarstörfum hafa varla í mánaðarlaun það sem þessir MENN (jú þetta eru karlar) eru að fá í launahækkun það sem nemur launum fólks.  Þetta er ekki í lagi og það verður að stoppa þetta.  Vonandi mun Samfylkingin beita sér fyrir breytingu á þessum málum.  Ekki er hægt að setja traust sitt á Sjálfstæðisflokkinn í þessum málum frekar en mörgum öðrum.  En ég vona að hægt sé að treysta á Jóhönnu og fl. þar innan dyra.

Mér finnst allt í góðu að fólk fái vel borgað fyrir sína vinnu, en það verður þá að meta fleiri störf að verðleikum heldur en bara karlæg störf, störf sem fela í sér að vinna með peninga.  Umönnunarstörf, kennsla og hjúkrun eru að mínu mati mun mikilvægari störf og þeim bera að borga betur. 

Mánaðarlaun í 1,4 milljónir