Nú tjáir fjármálaeftirlitið sig!

Síðan 2001 hefur það verið vitað að þessi lán væru ólögleg en allan þann tíma gerði fjármálaeftirlitið ekki neitt.

Nú koma þeir fram ásamt seðlabankastjóra og tala um almannahagsmuni!!!!!

Hvar voru þessir almannahagsmunir þegar þessi glæpafyrirtæki blóðmjólkuðu þjóðina?

Hvernig stendur á  því að það sé hlutverk þessa stofnanna að leysa glæpamenn úr snörunni?

Hvenær verða næstu mótmæli fyrir utan seðlabankann? æ nei nú er víst enginn Davíð til að reka út, þá þarf ekkert að mótmæla þar.  EÐA HVAÐ? Nú þarf fólkið að taka sig saman og standa saman sem einn maður og láta skoðanir sínar í ljós!

Segir hvatt til lögbrota

Hvað með fulltrúa neytenda

Það kemur reyndar ekki fram í fréttinni, en ég vona að menn hafi haft vit á því að hafa fulltrúa neytenda líka með á þessum fundi. Málið snýst um dóm sem féll í hæstarétti um ólögmæt viðskipti fjármálastofnanna. Ef þeir sem dæmdir eru sekir eiga að fá að hafa puttana í því hvernig leysa ber úr þeirra málum, þá erum við á verri stað en ég hélt við værum.

Málið er ekki flókið, lánin eru ólögleg, stunduð hafa verið glæpaviðskipti sem eiga að leiðréttast!

Fundað um áhrif dóma og óvissu

Mörður...

Það er ekki verið að tala um að fólk ætli ekki að borga sínar skuldir!

Það er verið að tala um að þessi lán sem voru veitt eru ólögleg, þarna fór fram ólöglegur gjörningur þar sem fólk var oft á tíðum blekkt til að taka lán í erlendri mynnt, grandalaust fólk sem taldi sig vera að eiga í viðskiptum við siðaða einstaklinga. En því fór fjarri og þessu glæpaliði ( fjármögnunarfyrirtækjunum) ætlar þú að standa vörð um Mörður!

Lánin sem fólkið tók margfaldaðist og greiðslubyrgðin margfaldaðist!

Það er ekki hægt að breyta skilmálum eftir á, þ.e setja á lán verðtryggingu sem ekki var á þegar fólk skrifaði undir sinn samning.

Fjármögnunarfyrirtækin hafa vitað það frá því 2001 að þessi lán voru ólögleg, samt var haldið áfram fram í rauðan dauðann að koma þessum lánum á grandalaust fólkið í landinu!

Nú er það ykkar þingmanna að standa með ykkar þjóð, nú er komið að því að standa við loforðin um skjaldborgina. Nú reynir á hversu miklir menn þið eruð, eða hvort þið eruð bara undir hælnum á fjármögnunarfyrirtækjunum.

 

Vill verðtryggingu á lánin

Samtök fjármálafyrirtækja vissu fyrir níu árum að gengistryggðu lánin voru ólögleg

Athyglisverð frétt inni á Eyjunni frá því í mars 2010

http://eyjan.is/blog/2010/03/14/samtok-fjarmalafyrirtaekja-vissu-fyrir-niu-arum-ad-gengistryggdu-lanin-voru-ologleg/

 Hvers vegna ætti fólk núna að fara að semja við þessi glæpafyrirtæki, ekki hafa þau komið svo fallega fram við fólkið í landinu!

Varar við aðkomu stjórnvalda

Flott hjá Jóni:)

Glæsilegur árangur borgarstjóra, hann fékk þá lax en ekki lúðu eins og hann var sjálfur búinn að spá

 

Borgarstjóri veiddi lax

Þetta er engin óvissa!!

Þetta þarf ekki að vera svona flókið, málið er einfalt! Hæstiréttur hefur dæmt þessi lán ógild og þar við situr. Það er ekki hægt að breyta ákvæðum eða vöxtum eftir því sem að hentar fjármálastofnunum.

Skv. lögum eru gegnistryggð lán ólögmæt og því verður ekki breytt eftir á. Hvert fjármögnunarfyrirtæki hefur sjálfsagt verið með breytilega vexti á sínum lánum og þá eiga að gilda þeir vextir sem reiknuðust við hver mánaðarmót.

Síðan hvort ríkið eða lögfræðingar fjármálafyrirtækjanna séu ábyrg er síðari tíma  mál, núna ríður á að almenningur fái lausn sinna mála, síðan geta ríkið og fjármálafyrirtækin gert það upp sín á milli hver ber ábyrgð á þessu klúðri, hver ber ábyrgð á að hafa ekki haft efirlit, eða ekki lesið lagabókstafinn.

 

Bíða enn í óvissu

Svei þér Össur!!!!

Mér finnst mjög lúalegt af þér að kalla þetta "Heilladag" í dag er þjóðhátíðardagur Íslendinga, þar sem að þjóðin fagnar því að hér voru menn sem börðust fyrir sjálfstæði þessarar þjóðar, menn sem lögðu sig alla fram til að berjast fyrir þjóð vora.

Í dag kemur þú fram og segir það heilladag að aðildarviðræður við Evrópusambandið hafi verið samþykktar!

Væri ekki nær að hætta við þennan fígúruhátt og nota þetta stórfé sem þetta ferli mun kosta þjóð þína í eitthvað skynsamlegra s.s. félagsleg úrræði, atvinnusköpun, heilbrigðisþjónustu, draga úr niðurskurði til menntamála og svona mætti lengi telja!

Skoðanakannanir sýna að mikill meirihluti þjóðarinnar vill ekki fara í þessar viðræður og vill ekki ganga í Evrórpusambandið, en þið hlustið ekki á þjóðina frekar en fyrri daginn, líklega enn föst í þeim hugsanargangi að við sem hér búum séum ekki þjóðin.

Ég hvet ykkur til að hætta þessum skrípaleik og draga þetta til baka áður en þetta verður okkur enn dýrara! Einbeitið ykkur frekar að því að sinna því sem þjóðin þarf á að halda sem er að hefja hér atvinnuuppbyggingu, vinna að skjaldborginni frægu sem alltaf er verið að tala um en því miður lítið gerst í og koma hér höndum yfir þá sem komu landinu á kaldan klakann!!!

„Heilladagur fyrir Ísland“

Ég skora á þingmenn Vg að samþykkja þessa þingsályktunartillögu Unnar

Nú er tími fyrir Vg að standa við það sem ég og margir aðrir stuðningsmenn Vg "akiteruðum" fyrir í kosningabaráttunni fyrir alþingiskosningarnar 2009. Það var það að Vg ætlaði sér ekki í Evrópusambandið. Talning atkvæða eftir þessa kosningar voru varla fyrr búnar en að þetta loforð var svikið, farið skyldi í aðildarviðræður við Evrópusambandið. Fleiri milljónum skyldi kasta í þetta gæluverkefni Samfylkingarinnar, sem Vg menn taka þátt í. Milljónum sem betur væri varið í að t.d halda sjúkrahússplássum opnum, setja meira fjármagn í SÁÁ eða aðra staði sem vinna með unga fíkla og svona mætti lengi telja.

Mín orð og margra annarra voru að engu gerð og þar með talinn trúverðugleiki okkar!

Nú er tími til leiðréttinga og standa við flokkssamþykktir!

Samþykkið þessa góðu tillögu Unnar.

Umsókn um aðild að Evrópusambandinu verði dregin til baka

Hvaða asi er þetta??

Hvort er mikilvægara að ganga frá þeim brýnu málum sem bíða þingheims eða fara í sumarfrí?

Ég myndi telja að sumarfrí ætti ekki að vera forgangsmál Alþingismanna eins og staðan er i þjóðfélaginu. Atvinnuleysi er að aukast, heimilin að verða skuldsettari og skuldsettari og niðurskurður mikill framundan.

það eru mörg mál á dagskrá Alþingis sem ekki á að afgreiða í þessum flýti eða í skjóli myrkurs, heldur ber að vanda til verksins og hafa hag almennings að leiðarljósi þá á ég t.d við vatnalögin sem verður að fella úr gildi, stjórnlagaþing sem mér finnst ríkisstjórnin ekki megi víkja frá og svo síðast en ekki síst málefnum heimilanna!

Við höfum ekki efni á að bíða fram á haustþing þar til eitthvað róttækt gerist í efnahagsmálum landsins og heimilanna, það verður að gera eitthvað í þessu núna.

Stefnt að þinglokum á þriðjudag

Veruleikaflótti

Það er sorglegt að horfa á annars þessa kröftugu kona bregðast svona almenningi í landinu. Ég hef alltaf haft mikla trú á Jóhönnu Sigurðardóttur, hún hefur ætið tekið að sér að verja þá sem minnst hafa mátt sín í þessu kapítaliska þjóðfélagi sem við búum í. Núna þegar sannarlega hefur verið mynduð hér vinstri stjórn, stjórn sem ég hef tekið þátt í að styðja og verja þá bregðast stjórnvöld þeim sem mest þurfa á þeim að halda.

Hér hefur ekkert verið gert í atvinnuuppbygginu!

Hér hafa verið afskrifaðar milljónir hjá þeim sem komu landinu á þennan stað sem við erum núna!

Hér er áfram haldið hlífðarvæng yfir fjármagnseigendum líkt og framsókn og sjálfstæðismenn gerðu!

Hér voru skattar víst hækkaðir á þá sem lág laun hafa!

Hér hefur ekki verið gert mikið í því að ná til baka þeim eignum sem stolið hefur verið frá þjóðinni!

Hér fjölgar atvinnulausum, tillaga um að frysta laun ríkisstarfsmanna, gjöld og álögur hækka og svona mætti lengi telja!

 Ég get því miður ekki fundið það á mínu heimili eða heyrt það hjá vinum, ættingjum og vinnufélögum að eitthvað hafi verið gert til þess að kom koma til móts við skuldavanda heimilanna.

Það er kominn tími til að þessi ríkisstjórn vakni af sínum þyrnirósarsvefni og fari að gera eitthvað annað en að vera í sandkassaleik á Alþingi við stjórnarandstöðuna, sem eru þeir sem komu okkur einmitt á þennan stað sem við erum á í dag (Undanskil Hreyfinguna)

Það þarf að hreinsa til á þingi, velja þangað fólk sem vill vinna með hagsmuni almennigns í huga.

Hafa komið til móts við skuldavandann