Hvaða asi er þetta??

Hvort er mikilvægara að ganga frá þeim brýnu málum sem bíða þingheims eða fara í sumarfrí?

Ég myndi telja að sumarfrí ætti ekki að vera forgangsmál Alþingismanna eins og staðan er i þjóðfélaginu. Atvinnuleysi er að aukast, heimilin að verða skuldsettari og skuldsettari og niðurskurður mikill framundan.

það eru mörg mál á dagskrá Alþingis sem ekki á að afgreiða í þessum flýti eða í skjóli myrkurs, heldur ber að vanda til verksins og hafa hag almennings að leiðarljósi þá á ég t.d við vatnalögin sem verður að fella úr gildi, stjórnlagaþing sem mér finnst ríkisstjórnin ekki megi víkja frá og svo síðast en ekki síst málefnum heimilanna!

Við höfum ekki efni á að bíða fram á haustþing þar til eitthvað róttækt gerist í efnahagsmálum landsins og heimilanna, það verður að gera eitthvað í þessu núna.


mbl.is Stefnt að þinglokum á þriðjudag
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Heil og sæl; Sædís !

Mér sýnist nú; sem þú sért, í ærinni mótsögn, við sjálfa þig, hér að ofan.

Ég man ekki betur; en að þú hafir verið, á lista V; eins glæpa flokkanna 4ra (hinir eru jú, B - D og S), í Selfosskaupstað og hjáleigum (svokallaðri Árborg), fyrir nýafstaðnar Hrepps nefnda kosningar, ágæti Eyrbekkingur.

Segðir þú skilið; við þjóðníðinginn Steingrím J. Sigfússon, og hyski hans - og kæmir fram, á þínum eigin verðleikum, sem ég efast ekkert um, að þú hafir til að bera, enda af góðu fólki komin, skyldi ég taka mark, á réttmætum umkvörtunum þínum, fyrr ekki; þér, að segja.

Það getur tekið; allt að 14 - 15 aldir (1400 - 1500 ár), að hreinsa upp mengunina, eftir sukk og svall ALLRA ofantalinna flokka (BDSV), hér á Fróni. 

Með kveðjum;sæmilegum, úr Efra- Ölvesi /

Óskar Helgi Helgason, frá Gamla Hrauni og Hvítárvöllum

   

Óskar Helgi Helgason (IP-tala skráð) 12.6.2010 kl. 01:56

2 Smámynd: Sædís Ósk Harðardóttir

Heill og sæll Óskar Helgi

 Takk fyrir ummælin.

Með því að starfa með flokk þá vonast maður til að geta haft áhrif innan frá, takist það ekki þá hugsar maður sitt. Maður á að geta verið á móti ýmsum verkum síns flokks og haft sínar skoðanir.

kveðja frá Eyrarbakka

Sædís Ósk Harðardóttir, 12.6.2010 kl. 09:13

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband