Samgöngumál- mannréttindi

Göng eða ekki göng.  Samkvæmt þessari skýrslu munu göng vera mikið kostnaðarsöm og því líklega sett á hilluna í bili eða svo.  Samt er það nú svo að Vestmannaeyjar tilheyra landinu og eiga því rétt á mannsæmandi samgöngum á milli lands og Eyja og á viðráðanlegu verði fyrir þá sem þjónustuna nota.  Verði ekki farið í jarðgangavinnu, sem ég er kannski ekkert endilega á,  verður að fjölga ferðum Herjólfs og fjölga ferðum á flugi.  Vissulega er þetta aukinn kostnaður og sá kostnaður á ekki að lenda á Eyjamönnum endilga, heldur verður ríkisstjórnin að setja meira fjármagn í þennan samgöngulið, Bakkafjara er þá næsta mál á dagskrá og er því mikilvægt að flýta þeirri framkvæmd.   Það er liður í jafnrétti í búsetu að eiga jafnan kost á að komast á milli staða.

Engin jarðgöng til Vestmannaeyja en ferðum Herjólfs fjölgað

Athugasemdir

[Ásdís Sigurðardóttir, 27.7.2007 kl. 22:40]

Ég man þá tíð þegar það þótti sjálfsagt að fólk þyrfti sjálft að borga fyrir að koma sér milli staða, þeir sem bjuggu á landsbyggðinni urðu bara að sætta sig við að það var dýrt að fara suður og vegirnir vondir. En ég er sammála að það þarf að vera gott flug og tíðar ferjuferðir.

[Bjarki Sigursveinsson (IP-tala skráð) 28.7.2007 kl. 00:25]

Lífsgæði? Já. Mannréttindi? Nei.

Ég geri ekki lítið úr mikilvægi góðra samgangna fyrir nútímaþjóðfélag en það gengisfellir mannréttindahugtakið að nota það með þessum hætti. 

[Grétar Ómarsson, 28.7.2007 kl. 00:50]

Hvað ertu að fara með þessum skrifum þínum Bjarki.

Ertu að segja að skattpeningar landsbyggðar séu ekki jafn mikils virði og skattpeningar borgarbúa? 

[Bjarki Sigursveinsson (IP-tala skráð) 28.7.2007 kl. 18:29]

Hvernig í ósköpunum færðu það út Grétar?

Ég er að segja að samgöngur hafi ekkert með mannréttindi að gera.