Mikilvægt að vanda til verka

Skerðing þorskkvótans er reiðarslag fyrir byggðir landsins, vissulega eru þetta þarfar aðgerðir en nú reynir á ríkið að standa að baki sjávarbyggðum landsins.  Mótvægisaðgerðir verða að verða til góðs og gagns og styrkja þarf vel hin smáu byggðarlög. 

Árni M. Mathiesen: „Enginn verðmiði á mótvægisaðgerðum ríkisins"

Athugasemdir

[Óskar Helgi Helgason (IP-tala skráð) 9.7.2007 kl. 00:18]

Sæl, Sædís !

Í hvaða veröld lifir þú ? ''vissulega eru þetta þarfar aðgerðir''; það er augljóst, af skrifum þínum, að þú ert meðlimur annarrar menntamanna klíkunnar, á vinstri vængnum; og slétt sama um, hvað sjávarbyggðunum tekst til, með úrlausn mála. Enda ekki nema von;; hræsnarinn og lýðskrumarinn Steingrímur J. Sigfússon gefur ykkur auðsveipum undirsátunum tóninn, hverju sinni.

Líkast til, er bara allt í lagi, hversu komið er; á Eyrarbakka og Stokkseyri, gamalgrónum verstöðvum, það vill svo til; Sædís, að ég ólst upp á þessum stöðum báðum, hér fyrrmeir, og hefði kunnað því betur, að þeir hefðu fengið, að vaxa og dafna; á eigin forsendum, ekki sem einhverjar tilraunastöðvar; í svo  kallaðri ferðaþjónustu, og það, í einhverjum galgopahætti Selfyssinga og  fólks, frá miðbiki Faxaflóans; að uppistöðu lista- og menntamenn;; það var þá helzt. Á ég einnig stóran frændgarð, í plássunum báðum.

Ætli Vinstri hreyfingin - Grænt framboð; myndi ekki flaðra viðlíka, upp um Einar Kr. Guðfinnsson, þá hann þættist ''hagræða'' í landbúnaðinum líka ?

Hvaðan, úr fjandanum eru alltof margir Íslendinga, hverjir fylgja þessu ráðslagi sprottnir ? Á kannski að murka niður allan þrótt þjóðarinnar, sem eftir lifir ?

Með blendnum kveðjum, úr Efra- Ölfusi / Óskar Helgi Helgason      

[Sædís Ósk Harðardóttir, 9.7.2007 kl. 09:03]

sæll Óskar Helgi

Mér þykir þú fara mikinn í grein þinni sem er gott.  eins og ég sagði að þar sem þessar aðgerðir eru settar á þá verður ríkið að styðja við bakið á sjávarbyggðunum.  Ég er ekki fylgjandi kvótakerfinu, hef reyndar ekki lausnina hvað sé best en ég veit það sem íbúi þessa litla þorps sem ég bý í að hér fór allt niður á við við skerðingar, kvóta og allt sem því fylgir. Hér var mikil fiskvinnsla og vann ég heilu sumrin frá morgni til kvölds og oft þar á milli í frystihúsinu sem hér var.  Einnig voru nokkrar minni fiskvinnslur hér og allt í blóma.  Ég tel að með komu kvótans hafi þetta hrunið.  Hér vantar vissulega atvinnu og hefur það haft það að verkum að hér er litil sem engin þjónusta.

[Óskar Helgi Helgason (IP-tala skráð) 9.7.2007 kl. 16:54]

Heil og sæl, Sædís !

Jú, jú....... auðvitað fer ég mikinn, enda niðri fyrir, sökum andstyggilegra kringumstæðna ykkar, á Eyrarbakka; sem víðar.

Þarna sjáum við, í hnotskurn, hversu illa er komið víða; og á eftir að versna enn, fari sem horfir. Félagar mínir;; þungavigtarmennirnir, í Frjálslynda flokknum hafa verið, eins og hrópandinn í eyðimörkinni; hvað þessi mál öll varðar. Vona, að Íslendingar taki nú, að rumska, að nokkru.

Þakka þér skörulegt, og kurteislega orðað svar. Hafir þú; og þitt fólk það, sem allra bezt.

Með beztu kveðjum / Óskar Helgi Helgason