Þá eru ótalin þau heimili sem fá aðstoð frá kirkjum landsins

Það að 1100 heimili skulu þurfa leita á náðir hjálparstofnanna er afar sorgleg staða í þjóðfélagi sem kallar sig "velferðarþjóðfélag".  Hins vegar er þessi tala vanmetin því inn í þessari tölu er ekki sá fjöldi sem leitar til hjálparstofnun kirkjunnar, Hvítasunnukirkjunnar og Samhjálpar svo fáein dæmi séu tekin. Þannig að líklega eru þetta nærri 1500 heimilum.

Það er skömm og hneisa af þessu og að ríkisstjórnin ætli að láta þetta verða að "normi" að fólk skuli leita eftir aðstoð til hjálparstofnanna og fría sig þannig allri ábyrgð á þessu stóra vandamáli sem blasir við öllum.

Það er kominn tími til að þessi ríkisstjórn vakni af sínum Þyrnirósarsvefni, fari að spýta í lófa sína og koma hér atvinnulífinu í gang því atvinnuleysi er að festast í sessi líkt og fátækt,  og koma til móts við skuldavanda heimilanna svo bara séu tekin þessi dæmi.

1.100 heimili fengu aðstoð í gær

Athugasemdir

[Sigurður Haraldsson, 28.10.2010 kl. 09:09]

Sæl þeirra tími er liðinn við erum búin að biðja stjórnvöld að bregðast við aftur og aftur en þau hlusta ekki! Það á að setja þrjú hundruð milljónir í að endurnýja sendiráð erlendis nú í ár og næsta ár hvað segir það okkur!

[Þórður Sigurjónsson (IP-tala skráð) 28.10.2010 kl. 09:11]

Ég er innilega sammála hjá þér, neyðin í landinu er mikil og sorgleg. Því bar ég sorg í hjarta þegar ég mætti á fund Bótar um fátækt í Salnum, Kópavogi s.l. þriðjudag. Salurinn tekur 450 manns í sæti og því fór fjarri að helmingur sæta væri skipaður. Hvar er allt fólkið, hvar er samstaða þjóðarinnar? Þegar konur fagna jafnrétti sínu (sem er hið besta mál) strunsa þær fram tugir þúsunda (50.000) í aftaka veðri . Þegar barist er fyrir lífsafkomu fólks til framtíðar og réttlæti láta örfáar hræður sjá sig. Við Íslendingar þurfum að hugsa grunngildi okkar algjörlega upp á nýtt. Hér er ekki einungis fjárhagsleg og pólitísk kreppa, við glímum einnig við andlega og lýðræðislega kreppu. 

[Fanný Rósa Bjarnadóttir (IP-tala skráð) 28.10.2010 kl. 11:49]

 Ég geri ráð fyrir því að þessi 1100 heimili sem fá aðstoð innihaldi konur og að kvennabaráttan skili sér beint til þeirra sem eru hvað verst settir.