Hvaða asi er þetta??

Hvort er mikilvægara að ganga frá þeim brýnu málum sem bíða þingheims eða fara í sumarfrí?

Ég myndi telja að sumarfrí ætti ekki að vera forgangsmál Alþingismanna eins og staðan er i þjóðfélaginu. Atvinnuleysi er að aukast, heimilin að verða skuldsettari og skuldsettari og niðurskurður mikill framundan.

það eru mörg mál á dagskrá Alþingis sem ekki á að afgreiða í þessum flýti eða í skjóli myrkurs, heldur ber að vanda til verksins og hafa hag almennings að leiðarljósi þá á ég t.d við vatnalögin sem verður að fella úr gildi, stjórnlagaþing sem mér finnst ríkisstjórnin ekki megi víkja frá og svo síðast en ekki síst málefnum heimilanna!

Við höfum ekki efni á að bíða fram á haustþing þar til eitthvað róttækt gerist í efnahagsmálum landsins og heimilanna, það verður að gera eitthvað í þessu núna.

Stefnt að þinglokum á þriðjudag

Veruleikaflótti

Það er sorglegt að horfa á annars þessa kröftugu kona bregðast svona almenningi í landinu. Ég hef alltaf haft mikla trú á Jóhönnu Sigurðardóttur, hún hefur ætið tekið að sér að verja þá sem minnst hafa mátt sín í þessu kapítaliska þjóðfélagi sem við búum í. Núna þegar sannarlega hefur verið mynduð hér vinstri stjórn, stjórn sem ég hef tekið þátt í að styðja og verja þá bregðast stjórnvöld þeim sem mest þurfa á þeim að halda.

Hér hefur ekkert verið gert í atvinnuuppbygginu!

Hér hafa verið afskrifaðar milljónir hjá þeim sem komu landinu á þennan stað sem við erum núna!

Hér er áfram haldið hlífðarvæng yfir fjármagnseigendum líkt og framsókn og sjálfstæðismenn gerðu!

Hér voru skattar víst hækkaðir á þá sem lág laun hafa!

Hér hefur ekki verið gert mikið í því að ná til baka þeim eignum sem stolið hefur verið frá þjóðinni!

Hér fjölgar atvinnulausum, tillaga um að frysta laun ríkisstarfsmanna, gjöld og álögur hækka og svona mætti lengi telja!

 Ég get því miður ekki fundið það á mínu heimili eða heyrt það hjá vinum, ættingjum og vinnufélögum að eitthvað hafi verið gert til þess að kom koma til móts við skuldavanda heimilanna.

Það er kominn tími til að þessi ríkisstjórn vakni af sínum þyrnirósarsvefni og fari að gera eitthvað annað en að vera í sandkassaleik á Alþingi við stjórnarandstöðuna, sem eru þeir sem komu okkur einmitt á þennan stað sem við erum á í dag (Undanskil Hreyfinguna)

Það þarf að hreinsa til á þingi, velja þangað fólk sem vill vinna með hagsmuni almennigns í huga.

Hafa komið til móts við skuldavandann

Hann hljómar eins og maður sem hefur ekkert að fela..

ef hann hefur ekkert að fela þá ætti hann bara að fagna þessari úttekt.

 

Vegið að bæjarfulltrúum og starfsmönnum Kópavogs

Hamingjusamur eiginmaður:)

Já það má með sanni segja að hér á bæ sé hamingjusamur húsbóndi sem brosir allan hringinn við þessi úrslit

Þá er bara að vona að húsmóðirin brosi jafnbreitt á morgun þegar hennar menn vinna titilinn í Englandi, Manchester eru jú flottastir ekki satt

Beckford skaut Leeds upp í 1. deildina

Hvað er í gangi????

Hverngi getur maður sem er með allt niðrum sig, maður sem er búinn að koma hér (ásamt nokkrum öðrum) öllu á kaldan klakann, fengið 440 milljóna króna lán með veði í yfirveðsettri fasteign???

 Á meðan er verið að bera fólk út úr eignum sínum, sem það er að missa vegna lána sem það tók til að koma sér þaki yfir höfuðið. Lána sem hækkuðu upp úr öllu valdi vegna siðleysis og græðgi þessarra manna?

Hvað á að bjóða fólki þetta sukk mikið áfram? Hversu mikið er nóg?

Mér verður flökurt við að lesa um þetta!

Jón Ásgeir fékk 440 milljónir króna að láni

Gylfi ég keypti þak yfir höfuð mitt og fjölskyldu minnar!!!!!

Ég eins og svo fjölmargir aðrir í þessu þjóðfélagi setti mína peninga, mitt sparifé í það að kapa þak yfir höfuðið á mér og fjölskyldu minni. Ég var með ákveðna upphæð sem ég lagði út í það hús sem ég keypti. Sú upphæð sem er frekar há fyrir mannsekju með mín laun, er nú gufuð upp og það sem meira er þá hefur lánið sem ég tók (sem er í íslenskum krónum) hækkað töluvert mikið.

Þannig að Gylfi minn, nú hefur það sparifé sem ég lagði í húsið brunnið upp  auk þessa sem ég borga margfalt meira af húsinu en til stóð í upphafi.

Hvað með að segja að það sé líka brýnt að leysa vanda okkar sem settum fé okkar í að koma okkur og fjölskyldum okkar í hús, en fórum ekki að braska með það fé sem við höfðum.

Hvort er mikilvægara ????

Brýnt að leysa vanda stofnfjáreigenda

Skyldi hann sjá sóma sinn í því að taka ekki sætið??

Það verður fróðlegt að sjá hvort hann muni taka þessu sæti og fara á þing, það er ekki hægt að segja að hann hafi verið minna í spillingu en forveri hans.

Hver væri þá næstur á listanum?

Rósa Guðbjartsdóttir

 

Óli Björn tekur sæti Þorgerðar á Alþingi

En á að þurfa að ganga að henni???

Á hún ekki að sjá sóma sinn í því að segja af sér þigmennsku??

Það sama á líka við um Bjarna.

Bjarni: Allt of hart gengið að Þorgerði

Hvað með þá sem virkilega eru sökudólgar af öllu saman??'

Þá er ég ekki að réttlæta Þorgerði Katrínu, heldur það að öll umræða virðist snúast um hana og aðra þingmenn sem þáðu styrki og tóku lán. Jú þeir eiga vissulega að víkja, segja af sér strax og þá líka Bjarni Ben, hann á ekki að hreinsa sig með því að koma Þorgerði út.

 En mér finnst vanta að krafa sér gerð á þessa útrásarvíkinga s.s Jón Ásgeir, Björgólfana, Hannes Smára og alla þessa "kónga" sem hér settu allt á kaldan klakann, að þeir verði látnir sæta ábyrgð. Lög verði sett til að gera allar þeirra eigur upptækar. Ákveðnir fjölmiðlar virðast reyna að halda umræðu í lágmarki er snýr að þeirra eigendum og beina spjótum sínum að þingmönnum.

 Það er svo sannarlega kominn tími til og löngu kominn að þessir aðilar verðir látnir gjalda gjörða sinna. Móðir náttúra reynir sitt en það virðist ekki duga, dómsvöld og ráðamenn verða að koma hér inn.

Vilja að varaformaðurinn víki

Telur Bjarni sig hæfari til að taka á vandanum?

Er Bjarni búinn að gleyma hvers vegna ástandið á Íslandi er eins og það er í dag?

Hvernig tók Sjálfstæðisflokkurinn á málunum þegar öllu var sóað og stolið hérna, þegar þjóðin var arðrænd. Sem er jú ástæðan fyrir stöðunnin eins og hún er í dag.

Var Bjarni ekki formaður alsherjarnefndar þegar Icesavemálið kom þar fyrst inn á borð?

Ríkisstjórnin á að segja af sér