Hvers vegna láta Steingrímur og Jóhanna ekki reyna á þessa sameiginlegu ábyrgð?

Líklega er það vegna þess að Samfó ætlar sér í ESB sama hvað það kostar, sama hversu mikið þarf að níðast á almenningi á Íslandi.

 

FT: Ábyrgðin sameiginleg

Vonbrigði

Þegar ég vaknaði í morgun og leit út um gluggann sá ég að sólin skein hátt á lofti og smá andvari hreyfði við laufblöðunum á trjánum.

Ég hlakkaði til að fara á fætur og njóta dagsins. Ég fór fram fékk mér morgunmat og kveikti á tölvunni, til að lesa helstu fréttir landsins.

Ég verð að segja að um mig fór trega tilfinning þegar ég sá að samkomulag hefði náðst um Icesave, samkomulag um að láta kúga okkur til að greiða það sem okkur ber ekki til að greiða.

Ég er leið og döpur, sár yfir því að sá flokkur sem ég tilheyri og hafði treyst til að leiða okkur út úr þessum ógöngum, treyst til að efla hér velferðakerfið og menntakerfið, hafi undir ógnarvaldi Samfylkingarinnar látið snúa sér svona.

Nú fyrst getum við sagt eins og Geir Haarde orðaði það GUÐ BLESSI ÍSLAND og hjálpi okkur öllum

Samkomulag í fjárlaganefnd

Enginn borgar kúlulán hjá Askar....

Í frétt í dag á DV.is kemur fram að enginn þarf að borga kúlulán hjá Askar:

" Tíu stjórnendur fengu samtals 715 milljón króna kúlulán hjá fjárfestingarbankanum Askar Capital. Sex þeirra hafa látið af störfum og þurfti enginn þeirra að borga kúlulánið sitt til baka. Lánin standa í um tveimur milljörðum króna í dag. Einn þeirra var Tryggvi Þór Herbertsson sem fékk 300 milljón króna kúlulán eins og áður hefur verið greint frá.

„Það liggur ekki fyrir ennþá hvað gert verður við þessi lán og engin ákvörðun hefur verið tekin um þau. Það kemur í ljós á næsta ári,“ segir Benedikt Árnason, forstjóri Askar Capital, um lán til starfsmanna sem enn starfa hjá Askar og tengdum félögum. Hann segir að gjalddagi sé á lánunum árið 2010. „Þar sem allt hlutafé var niðurfellt er mjög líklegt að félögin geti ekki staðið við sínar skuldbindingar þegar kemur að gjalddaga,“ segir Benedikt. Flest lánin hafi verið tekin hjá Glitni.

„Þeir sem látið hafa af störfum eiga ekki lengur sín félög,“ segir Benedikt. „Félögin voru keypt án endurgjalds. Það er þó engin skuldbinding sem hvílir á Askar um að greiða þessi lán til baka þegar þar að kemur. Lánin eru inni í félögunum sem þá kunna að fara á hausinn ef þau standa ekki við skuldbindingar sínar,“ segir hann."

 

Nú spyr ég sem fávís kona... hvers vegna komast þessir menn upp með þetta?

 

Ætli minn reikningur hafi ekki verið með í þessum útreikningum????

Miðað við hvað minn reikningur er alltaf hár, þá hlýtur hann að hafa orðið útundan i þessum útreikningum á símakostnaði innan OECD.

Vissulega nota ég síma mjög mikið 

Tel samt að símakostnaður sé of hár hér á landi.

Símakostnaður undir meðaltali

Voru IceSave menn líka í Úganda??'

Skyldu íbúar Úganda og komandi kynslóðir þar þurfa að borga þetta fyrir glæpamennina?

Bankinn sem hvarf

Enn einn leikurinn

Hvað með öll þau loforð sem gefin voru sl. haust þegar Jóhanna og Ingibjörg Sólrún stóðu í viðtölum í fjölmiðlum og lofuðu öllu fögru, lofuðu að slá skjaldborg um heimilin, að íbúðalán hjá bönkunum færðust yfir til Íbúðalánasjóðs?????

Núna þegar verður búið að færa kröfuhöfum bankana, erlendir aðilar að mestu líklega mun það vera vatn á myllu Evrópusinna að nú sé enn mikilvægara að taka upp Evru, ganga í Evrópusambandið.  Einnig sé ég ekki að íbúðalán verði færð yfir til íbúðalánasjóðs þegar erlendir kröfhafar eiga orðið þau lán.

Ég sakna þess gríðarlega mikið að sjá ekki meira gert fyrir hinn almenna íbúa þessa lands, atvinnuleysi eykst, verðbólga enn í toppi, vörverð hækkar og munur á milli stétta eykst. Á meðan þetta er að gerast eru stjórnvöld einsýnt á ESB.

Hér þarf að huga að einhverju öðru en því máli.

Glitnir eignast Íslandsbanka

Allt upp á borðið- gegnsæi í stjórnmálum?????

Hvað varð um fögur fyrirheit stjórnmálaflokkana eftir síðustu kosningarum að allt ætti að vera í ljósinu og uppi á borðinu??

Hvers vegna má almenningur í landinu ekki vita hvað í þessum gögnum stendur? Hvers vegna þetta leynimakk? Af hverju á almenningur ekki rétt á að fá vita það sem að Pétur Blöndal eða Steinunn Valdís mega vita? Hvers vegna er verið að gera þetta bil á milli kjósenda og þingmanna?

Fyrst og fremst eru þingmenn kosnir til að setja þjóðinni lög. Þeir eru ekkert merkilegri en annað fólk og hafa ekki neina sérstaka hæfni til þess að þegja yfir leyndarmálum (eins og dæmin sanna).

Ég mótmæli því að enn á ný sé verið að pukrast og vinna á bak við tjöldin að málum sem snerta hagsmuni þjóðarinnar.

Skoða Icesave-gögn í lokuðu herbergi

Hvað hefur hann að fela?

Annars er ég nokkuð viss um það að hann og þeir hinir sem rannsaka á séu löngu búnir að forða öllu sem ekki þolir dagsins ljós.

Sá tími sem þeir fengu frá því að bankahrunið varð og þar til eitthvað átti að fara að gera var það langur að þeir gátu setið dögum saman og dundað sér við pappírstætarann.

Húsleit hjá Hannesi lögleg

Eignasafn Björgólfs.....

"Nú vinn ég alla daga við að skapa verðmæti úr eignasafni mínu "

Það er virkilega athyglisvert að lesa þessa frétt.  Hvers vegna er ekki gengið að eignasafni hans og allra hinna útrásavíkinganna.

Hvers vegna eru þessir menn og þ.m.t Björgólfur ekki látnir bera ábyrgð á eigin klúðri, spillingu, ráni, óheiðarleika og hverju svo sem má nefna þessar aðferðir þeirra til að ræna þjóðina.

Hugsar daglega um Icesave-klúðrið

Hroki og fordómar

Vissulega eru þetta góðar einkunnir hjá stelpunni og er það bara flott og ég efa það ekki að þarna sé góður námsmaður á ferð.

En það að móðir hennar vogi sér að koma svona í blöðin og lýsa því yfir að menntaskólar séu ekki nógu góðir, hvað er hún að segja öðrum foreldrum og börnum sem ætla að fara í menntaskóla?  Að skólinn sem nágranninn velur eða sonur vinkonu minnar sé ekki góður?

"Komist bara inn í einhvern menntaskóla"  þetta kalla ég hroka.

það að segja að það séu óeðlilega háar einkunnir upp úr grunnskóla núna, hvað hefur hún fyrir sér í því? Er það hennar að dæma hvaða árangur nemendur eru að skila út úr grunnskóla?

Afnám samræmdra prófa er hlutur sem var orðinn virkilega þarfur, próf eiga ekki að stýra skólastarfinu, lokapróf er ekki það eina sem skiptir mái í skólastarfi, heldur er það öll sú vinna sem nemendur leggja á sig frá því að skóli hest að hausti og þar til honum lýkur að vori. Margir skólar eru farnir að vera með símat, þ.e virkt mat sem fer fram jafnt og þétt yfir allan veturinn. Slíkt mat skilar betra mati á stöðu nemandans en eitt lokapróf í skólalok þar sem að dagsformið getur haft gríðarlega mikið að segja.

 

Foreldrar bálreiðir