Ljúf helgi að baki

 Já þetta er svo sannarlega búin að vera frábær helgi í alla staði.  Kennaraþingið á fimmtudag og föstudag tókst ekkert smá vel.  Á fimmtudeginum hófst það með fyrirlegstri hjá Möggu Pálu sem ég nota bene er ekki alveg sammála í einu og öllu, ég tel að það sé hægt að gera margt af þessu sem hún er að gera með blandaða hópa, auk þess sem mér finnst hún vera of ýkt í því að það megi ekki nota nein fyrirfram ákveðin form eða línur og slíkt.  Árshátíðin um kvöldið var brilliant og hef ég ekki dansað svona mikið í langan tíma. Síðan var svo farið á Útlagann eftir ballið hjá okkur á ball þar með á Móti sól Magni að sjálfsögðu alltaf jafn flottur og sætur. Föstudagurinn fór svo í fyrirlestra og aðalfund KS.

Seinni partinn á föstudag skellti ég mér í Bootcamp þetta er ekkert smá skemmtilegt allt saman hjá mér þessa dagana og svei mér þá ef ég er ekki bara þegar komin með smá vöðvamassa og sixpakkkkkk Um kvöldið áttum við krakkarnir svo kósý stund, pizza og alles.  Á laugardeginum vann ég smá og fór svo bara í tiltekt og heimsóknir.  Veðrið var ekki til að hrópa húrra fyrir og þess vegna bara yndislegt að eyða deginum í hangs og heimsóknir.  Ég fór svo á frábæran fundi í morgun sem ég var reyndar að leiða, það var fimmta sporið sem var í dag, eftir fund fór ég með tilvonandi fermingarbarnið mitt í messu sem var rosa notalegt, alltaf gott að vera í návist Guðs.  Síðan gerðist ég bara heimilisleg, bakaði vöfflur og steikti læri.   Mín bara í gírnum í dag sem sagt og það besta í þessu öllu að mér tókst að halda prógrammið alla helgina þrátt fyrir allar freistingar.

Svona helgar ættu sko svo sannarlega að vera oftar

Annars er ég strax farin að hlakka til næstu helgar því þá er gyðjuhelgi hjá okkur saumaklúbbnum og þá verður sko margt baukað, en fyrst og fremst verðum við í dekri eins og sönnum Gyðjum sæmir

knús Sædís

Athugasemdir

[Ruth Ásdísardóttir, 25.9.2007 kl. 12:20]

Mikið rosalega hljómar þetta yndislegt! Það væri gott að eiga fleiri yndislegar helgar! :) Gangi þér vel og skemmtu þér vel í gyðjusamsætinu með saumaklúbbnum! :)

[Linda Lea Bogadóttir, 25.9.2007 kl. 19:55]

Greinilega allt að gerast hjá þér.

Kanski maður skelli sér bara austur í helgarfri einhverja helgina. Örugglega hægt að fara í góðan göngutúr, drekka eina eða svo af rauðu ja eða hvítu og hitta ykkur frænkurnar.

[Sædís Ósk Harðardóttir, 25.9.2007 kl. 21:03]

Já það væri nú ekki vitlaus hugmynd Linda:)

Takk Ruth, þetta verður bara gaman hjá okkur gyðjunum eins og okkar er von og vísan.

[Kata gyðja (IP-tala skráð) 25.9.2007 kl. 22:32]

Hæ. Ég er bara svona að spuglera- Er maður í meiri návist við guð ef maður er staddur í kirkju???? Kv. Kata

[Sædís Ósk Harðardóttir, 25.9.2007 kl. 22:41]

nei alls ekki Kata:)  Þetta eru kröfur hjá perstinum að fermingarbörnin mæti í kirkju a.m.k tíu sinnum