Það þarf að breyta þessu.

Ég er á þeirri skoðun að það þarf að breyta þessari reglugerð.  Skólarnir eru farnir að vera fram í júní og það er allt of seint að börn séu að koma inn klukkan tiu.  Vissulega eru það foreldrar sem ráða síðan hversu lengi börnin eru úti, þ.e hvort þeir leyfi þeim að vera til tíu.  En börn þurfa góðan svefn og því er þetta of langur tími sem lög leyfa þeim að vera úti.  Einnig með 13 ára börn, mér finnst það of langur tími að þau megi vera úti til miðnættis.  Það væri nóg að láta þessar reglur taka gildi 1. júní.

Útivistartími barna breyttur

Athugasemdir

[Einar F. Valdimarsson (IP-tala skráð) 2.5.2007 kl. 15:39]

Ertu með einhver fleiri lög sem foreldrum er heimilt að brjóta?

"Útivistarreglurnar eru samkvæmt barnaverndarlögum " 

[Sædís Ósk Harðardóttir, 2.5.2007 kl. 15:47]

Ég var ekki að segja að foreldrum væri heimilt að brjóta þessi lög.  Ég veit að þessar reglur eru skv. barnaverndarlögum en það sem ég er að segja er að tíminn er of langur.  Þegar það er skóli þá er of seint að börn séu að koma inn kl. 22.00 og 13 ára börn að koma inn kannski rétt fyrir miðnætti þegar það er skóli daginn eftir.