Skór, danski kúrinn og tiltekt....

 

úff það er eins og það taki hvert við af öðru.  Ég hafði mig í það í gærkvöldi að taka herbergið hans Jóhannesar í gegn, eða réttara sagt henda út úr því sem hægt var og svo í dag fór ég og keypti málningu og nú skal herbergið tekið í gegn þannig að það verði varið gegn drasli og sóðaskap

Annars tók ég stóra ákvörðun á þriðjudaginn, ég ákvað að hefja mína danska kúrsgöngu á ný minnug þess að fyrir þremur árum byrjaði ég þarna og á hálfu ári náði ég af mér 20 kílóum en þau komu aftur þegar ég fór að svindla smá og smá og svo alltaf meira og meira og svo enn meira og enn enn meira NEI nú sé ég að þetta er ekki að gera sig, ég er búin að vera í ár að sannfæra sjálfa mig um að ég geti þetta alveg ein og óstudd.... en ó nei það er öðru nær, ég þarf stuðning og aga en það er bara svona og þá er bara að viðurkenna það Og í dag og í gær er ég búin að vera eins og kanína, étandi kál og gulrætur i öll mál en mikið er þetta samt gaman að byrja á einhverju svona hollu og góðu og ég er svo sannarlega búin að missa ein 10 kíló bara í anda

En annað sem ég var að spá, hvað þetta er með mig og skó.  Á miðvikudaginn þegar ég var í bænum skellti ég mér í Kringluna og ég mátti ekki ganga fram hjá einni einustu skóbúð án þess að sogast inn í hana ekki það að mig bráð bráð vanti skó, en kona getur nú alltaf á sig blómum bætt Síðan datt ég í geisladiska og bækur og keypti handa strákunum nýja diskinn með Magna og mér nokkrar góðar handbækur um lífið og tilveruna

Jæja best að fara að koma sér í að mála, ekki seinna að vænna þar sem ég er nú komin með málninguna

knús Sædís

Athugasemdir

[Rannveig Bjarnfinnsdóttir, 1.9.2007 kl. 10:59]

Sæl sæl.

Var einmitt að svolgra í mig hollustudrykk úr sojamjólk, melónubita, bananabita og frosnum aðalbláberjum að vestan   svo nú er ég með orku dauðans hérna við tölvuna... nenni samt engu.  Skrítið haha. 

Gangi þér vel að mála.

Heyrumst kveðja Rannveig

[Ásdís Sigurðardóttir, 1.9.2007 kl. 18:32]

Sæt mynd af ykkur. Megrun er örugglega þreytandi, ég er svo heppin að vera komin á þann aldur að elska nokkur aukakíló, gott að eiga þau að ef maður yrði veikur eða eitthvað (góð afsökun) vertu dugleg að mála.  ekki samt skrattann á vegg.

[Sædís Ósk Harðardóttir, 1.9.2007 kl. 22:29]

Takk fyrir það Ásdís mín:) Já megrun er frekar þreytandi, kannski ætti ég bara að kalla þetta lífsstílsbreytingu

[Linda Ásdísardóttir, 2.9.2007 kl. 23:39]

Alltaf nóg að gera hjá þér :)