Svik, ofbeldi og kúgun.

Þetta eru einkunnarorð ríkisstjórnar Íslands sem nú í þessu hefur náð með kúgun og valdníðslu að samþykkja einn hræðilegasta samning Íslandsögunnar.

Vissulega er orsök þessa máls komin frá auðvaldinu og fyrri ríkisstjórnum.

Hvers vegna eiga börn þessa lands og ófædd börn að gjalda fyrir skuldir og sukk óreiðumanna og einkafyrirtækja.

Hefði Icesave grætt á tá og fingri til frambúðar, hefði hagnaðurinn verið lagður inn á reikning hjá almenningi? Nei það er ég sannfærð um að svo hefði ekki farið.

Ég er verulega svekkt yfir því að þeir þingmenn Vg sem ég hafði trú á að myndu segja nei við þessum samningi, hafi samþykkt hann.

Alþingi samþykkti Icesave

Athugasemdir

[Heimir Hilmarsson, 31.12.2009 kl. 03:14]

Mér skilst að Ásmundur og fleiri hafi orðið að gera þjóðina ábyrga fyrir Björgúlfsskuldunum til að bjarga VG hreyfingunni, þannig að nú er hægt að segja það að VG er langdýrasti flokkur sem uppi hefur verið á Íslandi.

Þurfum við svona dýran flokk?

Stjórnmálamenn eiga að kjósa eftir sinni sannfæringu en það var auðheyrt að margir þeirra sem sögðu já í gærkvöldi gerðu það gegn sinni sannfæringu. Sumir sögðust eiga erfitt með að segja já en gerðu það samt. Það er ekki erfitt að kjósa samkvæmt sinni bestu sannfæringu, en það er erfitt að kjósa gegn henni. Aðrir sögðust segja já en bæru ekki ábyrgð á því, heldur væri ábyrgðin hjá fyrri ríkisstjórn, það er bara hreinlega óheiðarlegt að kenna öðrum um það þá ákvörðun sem maður tekur. Sá sem greiddi atkvæði með frumvarpinu ber 100% ábyrg á þessari ríkisábyrgð á óreiðu Björgúlfsfeðga og getur engum öðrum kennt um.

Ég get fyrirgefið þeim sem greiddu atkvæði með frumvarpinu í sannfæringu um að þeir væru að gera rétt með því. Þeir aðilar fóru eftir sinni sannfæringu og gerðu því það sem þeir voru kjörnir til.

Hinir sem ég held að séu fjölmargir sem greiddu atkvæði með frumvarpinu gegn sinni sannfæringu til að hlýða flokks foristunni og til að halda saman ónýtri ríkisstjórn eiga enga afsökun og hljóta því að teljast "landráðamenn" og ætti því að dæma sem slíka.

[Rafn Gíslason, 31.12.2009 kl. 18:29]

Sædís mín þetta ár með VG í ríkisstjórn hefur verið ein hörmung og okkur sem unum svo vel fyrir þá í kosningunum í vor sár vonbrigði svo ekki sé sterkar að orði kveðið. Ég hef skömm á þingflokki VG og er því fegnastur að hafa sagt mig úr flokknum í sumar, það er sennilegasta það viturlegasta sem ég hef gert á árinu. Guðmundur þinn skrifaði í bloggi sínu að Ásmundur Einar væri sennilega lufsa ársins en ég held að það megi segja um ALLA þingmenn VG.